TAGBILARAN CITY, Bohol, Oct 11 (PIA) –Magpadayon ang Bohol Online ug On-Site Satellite Exhibit (BHLX) nga gibuksan sa mga atists painters ang ilang mga obra nga abstract paintings isip tampo sa mga artists sa Museums and Galleries Month.
Ang BHLX usa ka pag-abag sa ManilaArt 2022 ug gitanyag, gawas sa 32 ka mga local nga painter artists nga gi-ilia sa ilang mga abstract arts gamit ang acrylic, oil ug mixed media lakip na ang collage sa mga tinabas nga tsinelas, mga plastic nga basura nga tanyag sa us aka gitahud nga Bol-anong artists nga nakadaug sa prestihiyoso nga GSIS arts competition niadtong 2020 Pedro Angco Jr, ug daghan pa nga local artists.
Ang exhibit nga modagan gikan sa Oktubre 10 ngadto sa 31, anaa sa ika upat nga andana sa Alturas Mall.
Nalipay kita nga nahatagan na usab og kahigayunan nga mapakita sa atong mga local nga painters ang ilang mga obra aron usab mapaambit ngadto sa kadaghanan ang ilang pagpadayag sa unsay ilang nakita, gibati ug paminaw sa dagan sa kalibutan, tanan pinaagi sa mamugnaong medium, dayag ni Elvin P. Vitor, usa sa 32 ka nga artists nga nakaapil sa exhibit.
Ang abstract art, usa ka sanga sa alampat nga wala mangandoy nga makahulagway sa haum nga dagway sa unsay makit-an sa kalibutan, apan sa paggamit Makita nga mga bulok, (colors) hulma (forms), hugis (shape), tekstura (texture), linya, ug kabug-aton-kadaghanon sa bili sa mga marka, aron pagpadayag sa hunahuna ug gibati sa artists, makahimo og us aka komposisyon nga makatandog sa nagtan-aw.
Sa abstract art, mahimo usab kini nga usa ka hunahuna, pagbati ug pangandoy sa nagmugna niini apan mahimong maangkon nga tinuod usab alang sa tawo nga nagsd-ong niini.
Lakip sa mga ngilngig nga Bol-anon nga anaa sa exhibit mao sila Ace Brandon Madera, Anna Palban, Dby Saco, Deya Tsyna, Elvin Vitor, Gabriel Café, Geovanni Abing, Grade Ido Bernaldez, Henri Cainglet, Jame Abellana, Jeffrey Sicsican, Jhacky Curambao, Jonie Cepedoza, Joseph Ingking, Julius Arabejo Tongco, Jumjum Ouano.
Llyod Lusica, Lucell Larawan, Mercedez Cubelo, Nam Intal, Nicole Asares, Pedro Angco Jr.,Rene Ponte, Rienon Anora, Rio Cabajug, Sam Penaso, Shiena Lascona, Steven Luspo, Sylvia Gonser, Teo Palban, Zuh Dai ug Ymmylyn Olaivar. (RAHC/PIA-7/Bohol)
