Si Congresswoman Alexie B. Tutor mipasalig nga ang nag-gradwar sa Pantawid Pamilyang Pilipino Program o 4Ps sa Department of Social Welfare and Development (DSWD) ipalista niya sa TUPAD sa Deprtment of Labor and Employment (DOLE).
“Sa graduates nato sa 4Ps, palihug adto mo sa inyong LGU/PESO sa matag lungsod arun makuha na dayon ang inyong mga data para sa TUPAD nato. Asap ni palihug. Pls share arun madali ang atong pag relay sa info,” matud ni Tutor.
Si Tutor mitambong sa graduation sa 4Ps sa niaging Biyernes nga gihimo sa Bohol Cultural Center uban ni Congressman Edgar Chatto, Congresswoman Vanvan Aumentadoug mga dagkong opisyal sa DSWD.
Matud ni Tutor ang mga lungsod nga dunay mga 4Ps graduates mao kning mosunod: Alicia, 6; Anda, 4; Batuan 4, Bilar, 1; Candijay, 15; Dimiao 2; Duero, 1; G-Hernandez, 4; Guindulman, Jagna, 24; Lila 4; Loay, 3; Loboc, 4; Mabini, 62; Pilar, 13; S.Bullones, ug Valencia, 50. Ang total (3rd district) mao ang 213 sa 267 nga mga graduates sa 4Ps.
“Kita sa tersero, strong partner nato ang DSWD. Sa panahon sa Odette, didto mismo ang food hub sa lungsod sa Candijay nato gibotang. Magpabilin ta nga lig-on sa atong relasyon sa maong ahensya,” matud ni Tutor.
Mapasalamaton si Tutor sa mga mayor sa ilang pagtambong atolsa graduation: Candijay Mayor Thamar Olaivar, Mabini Mayor Onjie Bernales-Lim, Loay Mayor Lahar Boyet Ayuban, Dimiao Mayor Randolph L. Ang, Loboc Mayor Raymond Jala, Lila Mayor Arturo Jed Piollo, S-Bullones Mayor Michael Doria ug Valencia Mayor Dionisio Neil Balite.
Dunay 213 sa mga graduating 4Ps recipients gikan sa 3rd District sa Bohol ang ma-enrol sa Tulong Panghanapbuhay sa Ating Disadvantaged / Displaced Workers (TUPAD) program sa Department of Labor and Employment. Matud pa ni 3rd District Congresswoman Kristine Alexie B. Tutor nga misaad og padayong suporta sa iyang mga konstituwente nga nigradwar sa DSWD Program.
Si Tutor midasig usab sa 1st ug 2nd District nga mosunod sa pagpa-enrol sa ilang mga gradwado sa 4Ps ngadto sa TUPAD Program aron makahatag og higayon nga makapanarbaho sila. (rvo)
