TAGBILARAN CITY, Bohol, Nov 7 (PIA) –Unom ka bulawan nga medalya, tulo ka silver nga medalya ug 3 ka bronse nga medalya lakip na ang Most Outstanding Swimmer Award ang nabitbit sa mga Bol-anong swimmers nga taga Antequera gikan sa lumba nga giapilan sa mga nasudnong manunuwa.
Didto sa FINIS Long Course Swim Competition Series 2022 nga didto himoa sa Iloilo Sports Complex, naghawod sa 9-10 years old girl category ang kaluha nga sila Raziel Pearl Villas, Perpetiel Sue Villas sa Bohol Splashers Swimming Team sa Visayas Leg sa lumba.
Sa unang adlaw sa lumba, Nobyembre 5, nasignit dayon ni Raziel Pearl Villas ang bulawan sa 50 meter freestyle, 50 meter backstroke, 100 meter sa butterfly ug silver sa 100 meter breastroke.
Sa laing bahin, ang kaluha nga si Perpetiel Sue mihipos na sa bronse alang sa 100m Butterfly ug 100m Breaststroke.
Sa ikaduhang adlaw sa lumba, si Raziel Pearl Villas naka gold sa 50m Butterfly, 100m Backstroke, 100m Freestyle ug naka silver sa 50m Breaststroke samtang ang iyang kaluha nga si Perpetiel Sue naka silver sa 50m Butterfly ug bronse sa 50m Breaststroke.
Tungod sa kadaghanon sa bulawan nga medalya nga nakuha ni Raziel Pearl Villas, siya usab ang Napoli nga Most Outstanding Swimmer dala sa iyang nakuha nga mga Madalya alang sa kategorya sa mga kababayen0an nga nag-edad og 9-10.
Ang lumba nga gipasiugdahan sa Finis, nagtumong nga makatabang sa tanan aron malingaw sa paglangoy ugmismo sa tubig. Tungod niini, gitanyag sa kompanya ang pagtuon sa paglangoy pinaagi sa innovation ug taas nga kalidad nga mga produkto, ug sa walay pu-as nga pagpakat-on sa tanan sa gikinahanglan aron mamaayo sa paglangoy.
Ang kaluha, giatiman sa ilang swimming coach nga si Pantaleon Jimenez. Jr. (rahc/PIA-7/Bohol)
