SI kanhi Cortes mayor Apolinaria Balistoy gisentensiyahang mapriso sud sa 48 ka tuig gumikan sa unliquidated cash advances nga mokabat ngadto sa P20,779.50 nga iyang nahimo niadtong 2010.
Nakitaan sa Sandiganbayan 5th Division si Balistoy nga sad-an sa graft and falsification of public documents nga mga kaso nga gipasaka batok kaniya.
Sa desisyon niíni nga pinetsahan niadtong Enero 20, ang anti-graft court nisentensiya kang Balistoy nga mabilanggo og unom (6) hangtud walo ka mga tuig alang sa graft ug upat hangtud 10 ka mga tuig sa matag usa sa upat ka mga ihap sa falsification.
Matud sa buhatan sa Ombudman nga si Balistoy nibiyahe ngadto sa Cebu City pipila ka higayon tali sa Enero ug Pebrero 2010 nga nagtakoban nga official travel, bisan og way aktuwal nga otoridad gikan sa provincial governor.
Siya usab nigamit sa gipalsipikar nga certificates of appearance aron pag liquidate sa iyang cash advances pinaagi sa pagpapakita niini nga ang Civil Service Commission Regional Office 7, pinaagi niini sa Public Assistance and Liaison Division chief Dr. Lorenzo Canapi, nipapilit sa pirma niini sa upat ka certificates of appearance.
“Despite the unbridled opportunity given to her, she failed to present countervailing evidence to refute the allegations hurled against her,” ang korte nagkanayon sa desisyon nga gisulat ni Associate Justice Maria Theresa Mendoza-Arcega, uban sa pag-uyon ni Division Chairperson Rafael Lagos ug Maryann Corpus-Mañalac.
Lakip sa mga ebidensiya nga gisumiter sa prosekusyon batok kang Balistoy mao ang boat tickets, boarding passes ug terminal tickets nga siya mismo nisumiter alang sa liquidation sa íyang cash advances.
Namatikdan sa korte nga ang boat tickets nipunting ngadto sa kamatuoran nga si Balistoy nibiyahe ngadto sa Cebu City ug bisan pa ang mga biyahe dili otorisado sa provincial governor, nga gimandato sa Republic Act No. 7160 or The Local Government Code of the Philippines.
“Immediately apparent is that she intended to use the coffers of the municipality for her personal travels to Cebu City by submitting the questionable supporting documents, including the falsified certificates of appearance,” ang korte nagkanayon.
Gawas sa pagkabilanggo, si Balistoy gimandoan usab sa korte sa pagbayad sa munisipyo sa Cortes sa kantidad nga P20,779 uban sa 6 percent annual interest isip civil liability.
Giorderan usab siya nga mobayad sa multa nga mokantidad ngadto sa P10,000 sa matag ihap sa falsification. (AND)
Hulagway gikan sa shutterstock.
