HINGSAMDAN ang usa ka lalaki human giingong gitigbas sa usa ka lolo didto sa Purok-2, Barangay Estaca, lungsod sa Pilar niadtong Sabado sa hapon.
Ang biktima giila nga si Ronnie Bendanillo, 33 anyos, taga brgy. Buena Suerte, Pilar, Bohol.
Ang suspetsado nailhan nga si Gonzalo Cerencio, 80, taga brgy. Estaca, Pilar, Bohol.
Sigun sa taho nga pulos lango sa bino ang duruha atol sa maong hitabo.
Daling gihatud sa pinakaduol nga tambalanan ang naasoy nga biktima.
Tukmang sumbong ang giandam sa Pilar PNP batok sa nadakpang suspek nga kasamtangang gisud sa selda sa maong lungsod. ( ALAN ANDY NALZARO DALAGAN )
