NANGAANGOL ang tulo ka mga tawo human aksidenteng gibanggaan ang usa ka motorsiklo sa laing motorsiklo sa nasudnong dalan didto sa Purok-1, Barangay Lomangog, lungsod sa Ubay mga alas 5:10 sa hapon niadtong Lunes.
Ang mga nangaangol giila nga sila Ramon Amoyac y Digamon, 42 anyos, minyo, drayber sa Alturas company, nagpuyo sa maong dapit, Jolito Cansijo, 36, nagpuyo sa Purok 1, Brgy. Bongbong ug Vincent Fernandez y Abucay, 18, backhoe operator.
Sigun sa imbestigasyon sa kapolisan nagbutyag nga samtang nagdagan ang usa ka motorsiklo nga Honda XRM 125, kolor pula, gimanehoan ni Amoyac. Dihang pag-abot sa lugar nahitaboan, miliko sa too ngadto sa pinuy-anan niini. Apan aksidenteng gibanggaan sa nagsunod kaniya nga Sunriser motorsiklo, kolor itom, gimanehoan ni Cansijo uban sa iyang backrider nga si Fernandez.
Pulos nangaangol ang mga sakay sa duha ka mga motorsiklo.
Samtang pulos nangadanyos ang duha ka mga sakyanan. ( ALAN ANDY NALZARO DALAGAN )
