Gipirmahan ni Presidente Ferdinand “Bongbong” R. Marcos Jr. kaniadtong Biyernes ang P5.268 trilyones nga 2023 General Appropriations Act (GAA) nga maoy mopundo sa recovery plan sa administrasyon sunod tuig, matud sa taho sa Office of the Press Secretary.
Mao kana ang unang national budget approval ni PBBM sulod sa unang tuig isip Presidente sa Pilipinas.
“Nagpahayag ng pasasalamat si PBBM sa mga miyembro ng House of Representatives of the Philippines, Senate of the Philippines, at ibang ahensya sa Executive Branch para sa pagsasaayos ng national budget para sa 2023 na mahalaga upang maisakatuparan ang lahat ng hangarin ng administrasyon para sa sambayanang Pilipino,” matud sa social media post sa Office of the Press Secretary.
“Hinikayat din ng Pangulo ang lahat ng ahensya ng gobyerno na unahin ang pagpapatupad ng mga programa at inisyatibo na makatutulong sa pagpapalakas ng health system ng ating bansa, disaster risk management, social security, digital economy, suporta ng lokal na pamahalaan, at iba pa,” dugang niini.
Sa hisgutanan sa health system, anagyan gayud nga palig-unon aron dili na mautro ang nahitabo sa krisis nga dala sa pandemya sa COVID-19. O kon ana-a may susamang sakit nga mosulod, mominus ang masakit.
Ang paghatag og igong pundo usab sa disaster risk management importante kaayo kay kaluwasan sa katawhan ang nakasandig niini panahon sa kalamidad.
Ang pagtutok usab sa social security labaw usab nga mahinungdanon.
Sa modernong panahon, ang digital economy angay nga pakusgon ug suportahan.
Ug ang mga giila nga frontliners nga mao ang mga LGUs, bubuan unta usab sa saktong pundo.
Ang agrikultura, edukasyon ug uban pa’ng sektor mga mahinungdanon kaayo, hatagan unta sa sakto nga bala aron makalihok og ayo sa ilang mga responsibilidad.
Ug labaw niini, bantayan sa katawhan kon unsaon sa paggamit sa mga lider ang maong pundo aron mapahimuslan gayud sa mga Pinoy. Bantayan ang mga kurakot ug abusadong politiko.
