USA ka ulitawo kinsa giingong suspek sa pagpanulis, nadakpan sa gihimong hot pursuit operation sa kapolisan didto sa Purok-5, Barangay Danao, lungsod sa Panglao mga alas 11:50 sa gabii niadtong Sabado.
Ang suspetsado giila nga si Relan Canoy y Micana, 32 anyos, way trabaho, lumolupyo sa maong dapit.
Ang ginsakpan sa Panglao Municipal Police Station pinangulohan ni PMAJ ANDIE L. CORPUS, nagpahigayon og hot pursuit operation sa insidente nga pagpanulis nga nahitabo sa maong dapit nga niresulta sa pagkasikop sa maong suspek.
Nasakmit gikan sa posisyon sa suspek ang mga pinutos nga giingong shabu, usa ka kutsilyo, kalibre .22 rebolber nga may buhing bala ug usa ka Kawasaki Aura nga motorsiklo.
Kasamtangang gisud sa selda sa Panglao PNP samtang giandam ang tukmang sumbong nga ipasaka batok kaniya. ( ALAN ANDY NALZARO DALAGAN )
