PORMAL nang gipasakaan og sumbong didto sa Provincial Prosecutor’s Office sa siyudad sa Tagbilaran ang usa ka traysikol drayber kinsa nadakpan sa buy-bust operation didto sa Purok-6, Barangay Bagacay, lungsod sa Talibon.
Nag-atubang sa kasong paglapas sa Section 5, Article 2 sa Republic Act 9165 kun Comprehensive Dangerous Drugs Act of 2002 map si Leonido Macuyas, 49 anyos, minyo, Taga Purok-3, Bagacay, Talibon.
Sayo niini, ang ginsakpan sa Municipal Drug Enforcement Team sa lungsod sa Talibon, nisikop sa maong suspek human napalitan sa usa ka police poseur-buyer og usa ka gamay’ng putos nga giingong shabu kantidad og P1,000.
Base sa Chemistry Report sa Bohol Provincial Foresic Unit nga positibong shabu ang napalit gikan sa maong suspek ug nitimbang kini og 0.4 gramos nga shabu. ( ALAN ANDY NALZARO DALAGAN )
