Bisan sa grabeng paningkamot sa administrasyong Aumentado aron makahatag og kaharuhay sa katawhang Bol-anon, ang uban sige og pagarpar og negatibong mga komento.
Ang maong mga negatibong panghunahuna mabasa sa social media.
Ang Isda Program sa kasamtangang administrasyon nakahatag og ginhawa sa mga konsumidor, tungod kay anaay dakong pag-ubos sa mga presyo sa isda.
Dakong tabang usab ang paglibot-libot ni Gob. Aris sa kamerkaduhan aron susihon ang presyo sa isda.
Anaay mga komento nga nius-os usab ang mahal kuno nga presyo sa isda kay nibisita ang amahan sa lalawigan.
Lagmit, ana-a kini kamatuoran. Kay ang asu ra ba matud pa sa mga karaan, dili mogawas kon walay kalayo.
Ang pangutana sa mga tigdepensa sa gobernador ilabina ang mga dumadapig, “Sa kang kinsa ba nga administrasyon ni-mahal og ayo ang mga pamaliton sa Bohol ilabina ang isda?”
Kon ang pagsige og saba-saba ang katuyoan mao ang pagdaot sa administrasyon, maghilom na lang.
Hinuktoki kon ana-a ba kamo’y maayong natampo o ikatampo sa probinsya, ilabina kon kamo mga Bol-anon.
