Nianam-anam na og balik sa ubos nga presyo ang kilo sa bombay nga niabot og P600-800 ang kilo sa tibuok nasud Pilipinhon.
Kini maoy nigawas nga balita sa pipila ka mga merkado sa kaulohan.
Sa taho, ana-a sa P280 na ang matag kilo sa bombay sa Mega Q Mart.
Tungod kay nibalik na ang demand sa mga mamalitay, gidugangan na sa mga namaligya og kompra ang ilang sibuyas.
“Dati 20 kilos kasi ang hirap bumenta. Ngayon kahit 30 kilos, nauubos na,” matud sa tindera nga si Anday Santos, sa taho sa ABS-CBN.
Matud sa price monitoring sa Department of Agriculture (DA), ana-a sa P110 hangtud P120/kilo karon ang farm gate price sa sibuyas.
Dili usab molapas sa P300 ang kilo niini sa merkado, kompara sauna nga niabot og P600 pataas.
“Bumababa po dahil nga, siyempre, gumaganda na rin po ‘yong ani at tinitingnan pa natin kung ano pang mga ibang dahilan sa pagbaba sa farmgate price,” suma ni Agriculture Spokesperson Kristine Evangelista.
“From the farmgate price, we will be computing kung ano po ang nararapat na retail price,” dugang niya.
Kon magpadayon, puwede kunong dili na motaas sa P250/kilo ang bombay sa pagtungtong sa Pebrero.
Apan sa Bohol, niining pagsuwat, wala pa’y nataho nga niubos ang presyo sa bombay, dinhi.
Ang katawhan nagsalig gihapon sa aksyon sa gobyerno batok sa mga mapahimuslanong negosyante ug sindikato sa bombay.
