GRABENG naangol ang usa ka ginang human aksidenteng nabanggaan sa usa ka motorsiklo sa nasudnong dalan didto sa Purok-6, Barangay Totolan, lungsod sa Dauis mga alas 7:30 sa gabii niadtong Bernes.
Ang biktima giila nga si Eilma Dalogdog, 52 anyos, minyo, lumolupyo sa maong dapit.
Sigun sa imbestigasyon sa Dauis Police Station nga ang biktima padung na untang motabok sa national highway, apan wa nakabantay sa usa ka motorsiklo nga kusog ang dagan, gimanehoan ni Jake Infante, 57, lumad nga taga Purok-2, Brgy. Bingag, Dauis hinungdan nga aksidenteng nabanggaan.
Nahiagom ang biktima og mga angol sa iyang kalawasan lakip ang maong drayber sa motorsiklo.
Daling gihatud si Dalogdog didto sa Gov. Celestino Gallares Memorial Hospital. Samtang si Infante gidala sa Ramiro Community Hospital. (ALAN ANDY NALZARO DALAGAN)
