NANGAANGOL ang tulo ka mga sakay sa handtractor human aksidenteng nabanggaan sa usa ka Mazda utility truck sa nasudnong dalan didto sa Barangay Tagum Sur, lungsod sa Trinidad mga alas 7:40 sa gabii niadtong Sabado.
Ang mga biktima giila nga sila si Victoriano Nuez, 62 anyos, minyo, lumad nga lumolupyo sa Brgy. Poblacion, San Miguel, Bohol ug Victor Barquin, 44, minyo, taga Brgy. San Jose, San Miguel, Bohol. Samtang ang drayber sa tractor nailhan nga si Paul Crecino, 55, minyo, taga Poblacion, lungsod sa San Miguel.
Sigun sa taho nga ang mga biktima luwan sa usa ka trailer nga nagguyod og hand tractor, nga gimanehoan ni Crecino padung unta sa lungsod sa Ubay. Apan pag-abot sa maong dapit, aksidenteng nabanggaan sa usa ka Mazda utility truck nga gimanehoan ni Alfonso Yadao, 68, lumad sa Poblacion, Ilocos Sur, gumikan kay way suga ug way reflector ang maong hand tractor.
Nangalagpot ang duha ka mga biktima nga sakay sa trailer sa giguyod nga tractor.
Daling gihatud ang mga biktima sa tambalanan sa lungsod sa Talibon. Apan si Holi gibalhin sa Gov. Celestino Gallares Memorial Hospital sa siyudad sa Tagbilaran.
( ALAN ANDY NALZARO DALAGAN )
