USA ka lalaki nga giingong high value individual(HVI) pusher, nasikop sa buy-bust operation sa kapolisan didto sa Purok-3, Barangay Dao, siyudad sa Tagbilaran niadtong Lunes sa gabii.
Ang suspetsado giila nga si Junjie Gabutan alyas Ete, 40 anyos, ulitawo, lumad nga lumolupyo sa Purok-7, Brgy. San Isidro, lungsod sa Talibon.
Ang ginsakpan sa Provincial Drug Enforcement Unit (PDEU) sa Bohol Provincial Police Office kun BPPO pinangoluha ni P/Lt. Yolando Bagotchay be Jr , ubos sa kamandoan ni PMajor Jomar Pomarejos, nagpahigayon og anti-illegal drug operation batok sa maong suspek.
Napalitan ang suspek sa usa ka polis poseur-buyer og usa ka putos nga giingong shabu kantidad og P20,000.
Laing siyam ka mga putos nga may sud gituohang shabu ang nakuha gikan sa posisyon niini.
Gibanabanaang motimbang tanan ngadto sa 50 gramos ug anaa sa Standard Drug Price mokabat ngadto sa P340,000.
Giandam na ang tukmang sumbong nga ipasaka batok kaniya sa piskaliya. ( ALAN ANDY NALZARO DALAGAN )
