Usa ka batan-ong mananagat ang na sikpaw sa gipahigayong buybust operation sa lungsod sa Getafe kagahapon sa hapon.
Ang suspetsado giila nga si Eljun Toradio, 21 anyos, may kalive-in ug kasamtangang mananagat.
Napalitan si Eljun og usa ka gamay’ng sihag nga gituohang shabu.
Nakuha sa iyang posesyon ang 500 peso bill nga buybust money ug laing tulo ka gagmay’ng pakete nga gituohan usab nga illegal nga drugas.
Matod pa sa suspetsado sa dihang atong gikahinabi nga ang iyang source nagagikan sa lungsod sa Buenavista diin usa lamang daw siya ka drug runner ug tigsabwag sa ilegal nga druga sa lungsod sa Getafe ug sa ubang kasilinganang lungsod.
Ang maong operasyon giubanan sa hepe sa lungsod sa Getafe nga si PCPT. Margarito Cagoco ug mga kaubanang pulis diin ginamitan og body worn camera sa pagsugod sa briefing hangtod mahuman ang maong operasyon.
Gisaksihan sa mga Brgy. Officials ug BBDN isip local media representative ang pag inbentaryo sa mga nakuha gikan sa suspetsado.
