NABALI ang paa sa usa ka motorista human aksidenteng nakagaligis og usa ka iro nga nitabok didto sa Barangay Tangohay, lungsod sa Dimiao mga alas 4:30 sa hapon niadtong Martes.
Ang biktima giila nga si Benz Caido, 22 anyos, lumad nga lumolupyo sa Brgy. Pagina, Jagna, Bohol.
Sigun sa taho nga samtang ang maong biktima luwan sa usa ka motorsiklo padung na untang mopauli, gikan sa LTO sa siyudad sa Tagbilaran kay nagparehistro sa motorsiklo. Dihang pag-abot sa maong dapit, aksidenteng nabanggaan niini ang usa ka iro nga kalit nitabok sa karsada hinungdan sa maong insidente.
Daling gihatud ang biktima didto sa Gov. Celestino Gallares Memorial Hospital sa siyudad sa Tagbilaran ug gikatahong nabali ang too nga bahin sa paa niini. ( ALAN ANDY NALZARO DALAGAN )
