Ang administrasyon ni Gov. Aris Aumentado ug Bise-Gob. Victor Balite padayon nga nagtabang sa panarbaho sa katawhan pinaagi sa paglusad sa “job fair’ atoll sa ika-126 kasaulogan sa pagkatawo ni kanhi Presidente Carlos Polestco Garcia niadtong Biyeernes.
Kapin sa 500 ang narehistro aron maka-apply sa trabaho, local ug overseas, nga gitanyag sa mga kompaniya atoll sa maoang “job fair” nga gihimo sa Bohol Cultural Center, apan, wala pa matino kon pila ang gidawat sa lain-laing trabaho, matud ni Vilam Yorong, hepe sa Bohol Employment and Placement Office (BEPO) sa Kapitolyo.
Gidahum nga kapin 1,000 ka trabaho ang nagpaabot sa sulod ug gawas sa nasud alang sa maong “Job Fair.”
Kini inabagan sa Department of Trade and Industry (DTI), Overseas Workers Welfare Administration (OWWA), Philippine Overseas Employment Administration ( POEA ), Technical Education Sills and Development Authority (TESDA), Department of Labor and Employment ( DOLE ) ug Public Employment and Placement Office (PESO).
Daghang opotunidad sa trabaho ang nagpaabot tungod kay daghan nga mga iladong kompaniya lokal ug overseas ang moapil sa maong Job Fair.
Ang “Job Fair” gipaningkamotan sa kagamhanang probinsiyal sa Bohol aron nga matubag ang panginahanglan sa mga Bol-anon nga nangita og trabaho.
Matud ni Vilma Yorong, hepe sa BEPO, 16 ka mga kompaniyang lokal ang mosalmot sa job fair.
Kini naglakip sa Aboitiz Construction Inc, Alturas Supermarket Corp, Atharra Residences Inc, Bohol Beach Club, Concetrix CVG Philippines Inc, DES Strong Motors Inc, EEI Corp, EXL services Phils. Inc, IBEX, Ipak, Onyata Trading Corp, Rider Levett Bucknall, Task Us, Taytay sa Kauswagan Inc, The Fortune Group ug The Generics Pharmacy samtang 13 ka overseas companies ang moapil nga naglakip na sa Career Planners International, Crossworld Marine Service Inc, Eastwest Placement Center Inc, IUPP Inc, jake International Manpower Sevices Inc, JRT Magica International, Lead Resources Manegement Corp, Mardel International Management and Services Inc, Omanfil International Manpower Devt Corp, Pisces Int’l Placement Corp. RRJM Int’l Manpower Services Inc ug Lifelinks International. (rvo/rt)
