Motuo ba ka niining istoryaha? Ang presyo sa bombay sa Pilipinas karon maoy ‘pinakamahal’ sa tibuok kalibutan.
Apan dili magpakawala sa paglaum, kay niingon ang usa ka magbabalaod nga mahimo na lang kuno nga P50/kilo ang presyo sa bombay gikan sa P600 (pataas).
“‘Yung 600 [pesos per kilo] na ‘yan… it will fall to 50 pesos, it’s natural price,” matud ni Rep. Joey Salceda, chairperson of House committee on ways and means, nga nibutyag sa ANC’s Headstart gahapon.
Niingon pa si Salceda nga magpaputol siya sa iyang mga tudlo kon dili na mahitabo.
“Everything will normalize. You can cut all my 5 fingers if it doesn’t go back 50 pesos,” suma sa kongresista.
Sa ubang lugar sa Pilipinas, niabot sa P700 pataas ang presyo sa bombay.
Gitudlo ni Salceda nga hinungdan sa pagmahal og ayo sa presyo sa sibuyas dinhi sa nasud mao ang sindikato nga nagpaluyo niini.
“Pagpasok dito, may mga mafia who has in control of the ports. So pumunta ka diyan sa Subic, I can tell you at least there are about 50 containers filled with onions… delivered little by little,” ni Salceda pa, sa taho sa ABS-CBN News.
“Essentially what they did was predatory pricing. They came in brought the prices down, killed the local Filipino farmers, now they control the supply.”
Ang Samahang Industriya ng Agrikultura una ng niingon nga ang wala pag-angkat sa gobyerno og bombay sa gawas sa nasud sa niaging tuig nakapasaka sa presyo niini.
“‘Yung panahon na dapat mag-angkat tayo, ‘di tayo nag-angkat kaya nag-spike ‘yung presyo nang ganoon kataas,” matud ni Rosendo So, presidente sa maong pundok.
Aron mapaubos ang taas kaayo nga presyo, ang Department of Agriculture, nga gidumala ni Presidente Ferdinand Marcos Jr., nimando nga mo-angkat og 21,060 metric tons sa bombay.
Ang ‘imported’ nga mga bombay moabot dinhi sa nasud karong Sabado, Enero 27.
Apan ang maong lakang ni Marcos Jr. wala nauyoni sa lokal nga mga mag-uuma sa bombay kay ‘magpatay’ kini sa ilang panginabuhian. Pasabot, mapugos sila og baligya sa baratong presyo sa ilang inani nga bombay.
Ang DA una ng niangkon nga anaay pagkuwang sa ilang mga lakang nga nakaapekto sa taas nga presyo sa bombay.
“Inaamin namin, yung may mga problama din ang Department of Agrculture, may pagkukulang din tayo. Like for example sa supply chain,” matud ni Rex Estoperez, spokesperson of the DA, sa usa ka interbyu sa ABS-CBN’s TeleRadyo.
“Sabi nga namin, yang pagkukulang is more on the resource mobilization ng DA, how to bring this product sa ating merkado,” iyang pagpasabot.
Ang mahimo karon sa katawhan mao ang pagpaabot sa giingon ni Salcedo nga mahimong P50/kilo ang bombay.
Pero ana-a usab ang dakong pangutana: unsa may gibuhat sa gobyerno nga ana-a man kahay ‘mafia’ o sindikato sa bombay didto sa Subic? Nanimahong bombay g’yud ng isyuha.
